Пара алған судья айыппұлмен құтылмақ

Бас прокуратура 1,5 млн теңге пара алған судья Руслан Жұмағұловпен процессуалды келісімге келді, деп хабарлайды Орал апталығы.

Бас прокуратура Руслан Жұмағұловпен және екінші айыпталушы — адвокат Фазылғалиевпен 190-бап бойынша «Алаяқтық, яғни бөтеннің мүлкін ұрлау немесе алдау немесе сенімді теріс пайдалану жолымен бөтеннің мүлкіне иелік ету»деген айыппен кінәсін мойындау туралы мәміле нысанында іс жүргізу келісімін бекітті. Айыптаудың осы бабы бойынша жаза-3.9 млн теңге мөлшерінде айыппұл. Айыптау сотқа жіберіледі және қысқартылған тәртіппен қаралады.

Бас прокуратура Жұмағұлов пен Фазылғалиевтің соты қай сотта болатынын БҚО облыстық соты анықтайтынын хабарлады.

Орал қалалық сотының төрағасы Руслан Жұмағұловты ҰҚК қызметкерлері 5 қарашада өзінің қызметтік кабинетінде ұстады. Онымен бірге пара беру кезінде екі адвокат — Әділ Ахмулдин мен Нұржігіт Фазылғалиев ұсталды.

Ахмулдин кейінірек куәгер мәртебесімен босатылды.

1,5 млн теңге көлеміндегі пара сотталған азаматқа қатысты оң шешім шығару үшін берілмек болған, – деп хабарлады тергеу органдары.

Жұмағұловты ұстау фактісі бойынша қылмыстық іс Қылмыстық кодекстің 1-1 366 — бөлігі – «Пара алу» бойынша тіркелген. Фазылғалиевке пара берді деген айып тағылды.

Жұмағұлов пен Фазылғалиев УҰИ-на қамалды. Екі аптадан кейін Жұмағұлов санкциялық соттың шешімімен үй қамағына жіберілді.

Жұмағұловты аңдып, бағу үш айға созылды.

«Судьяны басқа облыстан тағайындау керек. Соттың соңғы сөзі шешеді. Егер сот іс жүргізу келісімін бекітсе, онда Жұмағұлов пен адвокатты айыппұл күтеді. Бірақ сот бас тартуға құқылы. Бірақ, барлық деңгейлерде бәрі шешіліп қойылуы мүмкін», – деп хабарлайды ақпарат көзі.

«Жұмағұлов үшін бұл ең жақсы нұсқа. Ол отырмайды, айыппұл төлейді. Бірнеше жылдан кейін ол адвокат бола алады. Оның лицензиясы бар».

Облыс прокуратурасында және Бас прокуратурада айыпталушы Руслан Жұмағұловпен айыптауды «Пара алудан» «Алаяқтыққа» ауыстыру туралы іс жүргізу келісімінің қорытындысы дәлелденген жоқ.

Руслан Жұмағұлов 2001-2011 жылдары прокурор, 2011-2015 жылдары адвокат болып жұмыс істеді.

Судья лауазымын 2015 жылдан бастап атқара бастады, ал Орал қалалық сотының төрағасы болып 2019 жылғы 31 желтоқсанда тағайындалды.