Құлсарылық қылмыскер ұсталды

«ЖС»-да хабарланғандай («Құлсарыдағы кісі өлімі» жарияланымын қараңыз), 29 шілдеге қараған түні Құлсары қаласындағы подъезде оқпен атылатын қарумен 21 жастағы ер адамды өлтіріп кеткен еді. Облыстық ІІД баспасөз қызметінің мәліметтері бойынша, қылмыс екі тәуліктен кейін ашылды.

Облыстық ІІД криминалдық полиция басқармасы мен Жылыой АІІБ қызметкерлерінен тұратын тергеу тобы тәулік ішінде күдіктінің жеке басын анықтаған. Келесі күні 22 жастағы Құлсарының жұмыссыз тұрғыны ұсталды. Заттай айғақ – 16-шы калибрлі қосауыз аңшы қаруы тәркіленіп алынды. Ұсталушы уақытша ұстау изоляторына қамалды. Тергеушілер кісі өлімі жігіттер бір-бірін ұнатпайтындықтан туындаған деп есептейді.

Мұрат СҰЛТАНҒАЛИЕВ