Meta жұмыс күшінің 5%-ын қысқартады

Ақпан айында Meta жұмыс күшінің шамамен 5% немесе 3600-ге жуық жұмыс орнын қысқартуды жоспарлап отыр. Қысқартулар «нашар жұмыс істейтіндерді тез жою» үшін өнімділікке негізделеді, деп хабарлайды Euronews.

Facebook, Instagram, Threads және WhatsApp-қа иелік ететін Meta компаниясы «қауырт жылға» аяқ басқан кезде тиімділігі төмен қызметкерлерден құтылу үшін жұмыс күшінің шамамен 5%-ын қысқартуды жоспарлап отыр. Бұл туралы  ішкі қызметтік жазбада айтылғанын Bloomberg және басқа ақпарат көздері хабарлаған. Мета акциялары осы жаңалықтан кейін сейсенбіде 2,3%-ға төмендеді.

Үшінші тоқсандағы табысы туралы есебіне сәйкес, Meta -да бүкіл әлем бойынша шамамен 72 404 қызметкері жұмыс жасайды. Яғни жұмыстан босату 3,600 жұмысшыға әсер етуі мүмкін. Жұмыстан босатылған қызметкерлер «жомарт өтемақы» алатыны айтылған. АҚШ-тағы қызметкерлер келісім-шартты бұзу туралы 10 ақпанда хабардар етіледі, ал АҚШ-тан тыс қызметкерлерге кейінірек хабарланады.