​Көктайғақ және тұман: 14 қаңтарда болатын Атырау облысындағы ауа райы болжамы

«Қазгидромет» РМК болжамына сәйкес, 14 қаңтарда түнде Атырау облысында көктайғақ күтіледі. Түнде және таңертең облыстың оңтүстігінде, батысында, солтүстігінде тұман күтіледі.

Дауылды ескертуге байланысты Атырау облысы ТЖД ескертеді:

- Дауыл туралы ескертулер жариялаған кезде, әсіресе қараңғы уақытта алыс жерлерге сапарға шығудан бас тартып, жаяу жүруден аулақ болыңыздар.
- Ауа-райы жағдайы мен автожолдардағы көлік қозғалысының шектеулері туралы ақпаратты бақылаңыздар.
- Балаларды қараусыз қалдырмаңыздар.
- Қатты аяз техногендік өрттердің көбеюіне ықпал етуі мүмкін. Осыған байланысты біз жоғары қуатты электр құрылғыларын бір уақытта қосу арқылы пештерді қыздырмауға немесе электр желілерін шамадан тыс жүктемеуге кеңес береміз.
- Автокөлік иелеріне ашық оттың көмегімен автомобильдерді жылыту қаупі туралы еске саламыз.
- Барлық оқиғалар туралы 112 немесе 101 телефондарына хабарласуыңызды сұраймыз.