Хабиб ұшақтан неге шығарылғанын түсіндірді

UFC чемпионы Хабиб Нурмагомедов өзінің Instagram парақшасында неліктен рейстен шығарылғанын, ұшақ бортындағы оқиғаға түсініктеме берді, деп хабарлайды Orda.kz.

Нурмагомедовтың айтуынша, әлеуметтік желіде тараған бейнеде бортсерік басынан бастап дөрекі болған. Ұшақтан шығаруға қандай себеп болғанын Хабиб білмейді .

«Мен ағылшын тілінде өте жақсы сөйлейтініме, бәрін түсінетініме және көмектесуге келіскеніме қарамастан, маған сұрақтармен келген әйел басынан бастап өте дөрекі болды. Мен бұған не себеп болғанын білмеймін — нәсілдік, ұлттық немесе жеке өшпенділік пе.»деп жазды Нурмагомедов

Екі минуттық әңгімеден кейін бортсерік қауіпсіздік қызметіне қоңырау шалып, Хабибті ұшақтан түсірді. 1,5 сағаттан кейін спортшы басқа әуе компаниясына ауысып, баратын жеріне ұшып кетті.

«Менің ойымша, адамдар мейірімді болуы керек.»дейді Хабиб