В Атырау
-2 
Бұл туралы компанияның сайтында жарияланған ақпараттан белгілі болды.
2024 жылдың желтоқсанында «ҚазТрансОйл» компаниясының бұрынғы басшысы Талғат ҚҰРМАНБАЕВ «Қазақстан-Қытай құбыры» ЖШС бас директоры болып 5 жылдық мерзімге тағайындалды.
Тамыз-желтоқсан айларында ол бірінші орынбасары қызметін атқарды. Құрманбаев «ҚазТрансОйл» АҚ-ты 2022 жылдан 2024 жылдың тамызына дейін басқарды.
Өз кезегінде Тянь Айминь бас директордың бірінші орынбасары қызметін иеленді.
Компания басқармасының құрамы: Талғат Құрманбаев – Бас директор (Басқарма төрағасы), Тянь Айминь – Бас директордың бірінші орынбасары, Ерхат Тұрлыханов – Экономика жөніндегі бас директордың орынбасары, Пань Тао – Өндіріс жөніндегі бас директордың орынбасары, Арслан Ноғайбаев – Коммерция жөніндегі бас директордың орынбасары, Цао Инвэй – Қаржы жөніндегі бас директордың орынбасары.
Құрманбаев 1979 жылы дүниеге келген. 2000 жылы Қазақ мемлекеттік заң академиясын, 2004 жылы Қаныш Сәтбаев атындағы Қазақ мемлекеттік ұлттық техникалық университетін бітірген. 2000 жылдан бастап мұнай саласында жұмыс істей бастады.
"ҚазТрансОйл" АҚ тасымалдау жөніндегі атқарушы директоры, "ҚазМұнайГаз-Аэро" ЖШС бас директоры, энергетика министрлігі мұнайды тасымалдау және өңдеу департаменті директорының орынбасары болды.
Сонымен қатар, 2025 жылғы 9 қаңтардан бастап «Қазақстан-Қытай құбыры» ЖШС Басқармасының шешімімен өндіріс жөніндегі бас директордың орынбасары қызметіне Бермахан Тұрлыбеков тағайындалды.
Бермахан Тұрлыбеков Қ.И. Сәтбаев атындағы Қазақ ұлттық техникалық университетін «Мұнай-газ құбырлары мен қоймаларын жобалау, салу және пайдалану» мамандығы бойынша тәмамдаған. Ол өзінің кәсіби қызметін 2005 жылы «ҚазМұнайГаз» ҰК АҚ жобаларды басқару департаментінің маманы ретінде бастаған. Еңбек жолында ол «Saipem SpA», «TBK Astana Group» және «Интергаз Орталық Азия» АҚ сияқты компанияларда басшылық лауазымдарда қызмет атқарған.