Аудан жаңалықтары

Періштесі сақтапты

Құлсары қаласында 8 жасар бала үйдің 3-ші қабатынан құлап, аман қалды.

Бірден ауруханаға жеткізілген баланың миы шайқалып, аяқ, қолдары жарақаттанған. Ол көрсетілген дәрігерлік көмектен соң, бірнеше күннен кейін үйіне жіберілді.

***

Мектептерді жөндеу керек

Биылғы жылы Құрманғазы ауданының білім беру мекемелерін жөндеуге облыстық бюджеттен 5 млн теңге бөлінген.

Кесте бойынша аудандағы 6 мектеп, 4 балабақша күрделі жөндеуден өткізілуде. Сондай-ақ, қазір Гагарин, Лабай мектептері мен бір балабақшаның құрылысы басталып кетті.

2014 жылы 15 білім ошағы жөнделеді деп күтілуде. Шалғай ауылдардан келіп оқитын балаларды жеткізу мәселесі де оң шешімін тапты. Аудан мектептеріне 24 млн теңгеге 2 автобус, 2 ГАЗель, 2 УАЗ машиналары сатып алынды.

Ләззат ҚАРАЖАНОВА