Жамбыл облысында мыңнан астам көлік қар құрсауында қалды (ВИДЕО)

Жамбыл облысында мыңнан астам көлік қар құрсауында қалды. Қарлы боран көктайғаққа ұласты, деп хабарлайды Azattyq Rýhy ақпарат агенттігі Жамбыл облыстық Полиция департаментіне сілтеме жасап.

Жүзден астам полиция қызметкері қар құрсауында қалған жолаушыларға көмек көрсетті.

Мыңнан астам көлік жолда қалып, қозғалыс шектелді. Басым бөлігі жүк көліктері. Патрульдік экипаждарға көлік колонналарын ілестіріп жүруге тура келді.

«Жолаушылардың қауіпсіздігі үшін, төтенше жағдайлардың алдын алу мақсатында аталған тас жолдарда полиция қызметкерлері жұмыс істеп жатыр. Олар жүргізушілер мен басқа да азаматтарға жан-жақты көмек көрсетті. Барлығы 100-ден астам полиция қызметкері, 45 автоэкипаж жұмылдырылды», - делінген Жамбыл обыстық ПД таратқан хабарламада.