«Ақ Жайық» газетінің қағаз нұсқасы соңғы рет жарыққа шығады

Басылым толығымен сандық форматқа көшеді. Бұл бізге аудиториямыздың тез өзгеретін қажеттіліктерін барынша қанағаттандыруға және заманауи әлемнің болмысына сай келуге мүмкіндік береді.  Сонымен, соңғы басылым осы бейсенбі, 26 желтоқсанда шығады. 

Естеріңізге сала кетейік, газетіміз 1991 жылдың наурыз айында жарық көріп, кейін «Компаньон» деп аталса, тамыз бүлігіне дейін оның бас редакторы әрі тілшісі – газетіміздің негізін қалаушы Әбділда МҰҚАШЕВ болған. Кейін Әбділда Рахметжанұлына Сабыр ҚАЙЫРХАНОВ пен Михаил ПАЛИЧЕВ қосылды. Осы үш айтулы тұлға ондаған журналиске парасатты тәлімгер болды. Редакторлар сіңірген құнды тәжірибе «АЖ» командасында болған әрбір тілші үшін өзіндік сапа белгісі болды. 

«Ақ Жайық» газетінің редакциясы өз жарияланымдары үшін бірнеше рет қоқан-лоққыларға, тіпті тікелей шабуылдарға да ұшырады – біздің басылым беттерінде көтерілген мәселелер мен деректердің баяндалу тәсілі бәріне бірдей ұнай қоймады. Дегенмен, билік басындағылар бізді қызмет еткен 33 жылдан бері «жақтырмай» келеді. Бірақ жылдар өткен соң «Ақ Жайықтың» әрбір журналисі: «Бұл соған лайық» дері сөзсіз. 

Дегенмен, құрметті оқырмандар, басылым хикаясы мұнымен аяқталмайды. Біздің ұжым цифрлық форматта өңіріміздегі өзекті мәселелерді көтеруді жалғастыра береді. Редакцияның деректілік, объективті болу және абырой секілді қағидалары өзгермейді. 

Бізбен бірге болғандарыңыз үшін рахмет.

«Ақ Жайық» газетінің бас редакторы Анастасия ШЕРСТЯНКИНА