Родриго Алвестің екі соққысы

27 шілдеде «Мұнайшы» стадионында футболдан жергілікті «Атырау» мен оралдық «Ақжайық» командаларының арасында ел чемпионатының 21-турының матчы өтті.

30-шы минутта қожайындардың хорватиялық жартылай қорғаушысы Родриго Алвес пенальтимен матчтағы жалғыз голды салды. Ол сондай-ақ, 2-ші таймның ортасында орын алған жағымсыз жағдайдың себепкері болды: ойын кезінде бәсекелесінің бетіне қолы тиіп кетті. Ақжайықтық ойыншыны жедел жәрдеммен алып кетіп, ал Алвесті алаңнан шығарып жіберді. «Атырау» командасының құрамы азайып қалса да, оралдықтардың шабуылынан жақсы қорғанып, 1:0 есебімен жеңіске жетті.

Мұрат СҰЛТАНҒАЛИЕВ

Суретті түсірген Қанат ЕЛЕУОВ