В Атырау
+4 
Қазақстанның Украинадағы елшісі Дархан Кәлетаев Украина мен Ресей арасындағы соғыстың шиеленісуіне байланысты Киевтегі жағдайға мәлімдеме жасады, деп хабарлайды “Адырна” ұлттық порталы.
22 қарашадағы ақпаратқа сәйкес, елшінің айтуынша, Украинада консулдық есепте 1789 Қазақстан азаматы тіркелген, оның ішінде 1193 адам тұрақты есепте, ал 596 адам уақытша есепте тұр.
Дархан Кәлетаев қазақстандықтардан эвакуация туралы өтініш түспегенін хабарлады.
— Елшілікке эвакуация туралы өтініштер түскен жоқ. Қазіргі уақытта біз Украина аумағындағы 300 Қазақстан азаматының жағдайын бақылап, байланыс ұстап отырмыз, — деп нақтылады ол.
Сонымен қатар елші артиллериялық және әуе шабуылдары санының көбеюіне байланысты 20 қарашада елшілік Қазақстан азаматтарына белсенді ұрыс қимылдары жүріп жатқан аймақтардан кетуді немесе өз қауіпсіздігін қамтамасыз ету үшін елден шығу мүмкіндігін қарастыруды ұсынғанын айтты.
Киевтегі жағдайға қатысты сұраққа жауап бере отырып, Дархан Кәлетаев дрон соққыларының елшілік ғимаратынан жиі естілетінін атап өтті.