Атырауда ​Табылды Досымовтың шығармашылығына арналған ән байқауы өтті

Қазақтың тұңғыш бард ақыны, композитор Табылды Досымовтың шығармашылығына арналған «Самала саздар сағымы» аймақтық ән байқауы қорытындыланды, деп хабарлайды Атырау облысы Мәдениет және тілдерді дамыту басқармасының баспасөз қызметі.

Байқау қорытындысы бойынша І орынды Ізбасар Самиғоллаев (Атырау облысы), ІІ орынды Орынбасар Жұмаханов «Атырау қаласы) мен Сиғватолла Ешкаев (Батыс Қазақстан облысы), ал III орынды Азамат Жұмағалиев (Атырау облысы), Берікбол  Жетібаев (Маңғыстау облысы), Батырбек Аманкулов (Ақтөбе облысы) иемденді.

Байқауға қатысқан Нагим Сатимов, Нұрмұхамед Ислам (Атырау облысы), Қосай Елбетеров  (Маңғыстау облысы), Ержан Сағынбаев (Атырау облысы) арнайы жүлдеге ие болды.

Сондай-ақ кеште “Самала саздар сағымы” кітабының тұсауы кесілді.