В Атырау
-2 
ҚР Энергетика министрлігі тапшылықты сезінген өңірлерге сұйытылған мұнай газының (СМГ) қосымша көлемін жөнелту арқылы автогаз нарығын тұрақтандыру шараларын алды. Ведомствоның мәліметінше, бұл шешім елдің батысындағы жанар-жағармай құю бекеттеріндегі газ тапшылығы туралы ақпараттан кейін қабылданған.
24 қазаннан бастап Ақтөбе облысы Шымкент мұнай өңдеу зауытынан қосымша 900 тонна газ алды, Батыс Қазақстан облысына «Теңізшевройлдан» 180 тонна жөнелтілді, Маңғыстау облысына Қазақ газ өңдеу зауытынан тәуліктік жеткізілім 100-150 тоннаға дейін көбейтілді. Бұған дейін батыс өңірлерінің тұрғындары СМГ тапшылығын айтып жүрген еді. Министрлік тапшылықты маусымдық факторлармен, ауыл шаруашылығы өндірушілерінің тарапынан сұраныстың артуымен, сондай-ақ үнемді отын ретінде автогазды пайдаланатын автокөліктер санының артуымен түсіндірді.