Қазақстанның батысында қатты жаңбыр жауып, жел күшейеді

Қазгидромет алдағы үш күнге арналған ауа райы болжамын жариялады.

"Таяудағы үш тәулікте Қазақстанның басым бөлігінде Атлантикалық циклонының ықпалымен тұрақсыз ауа-райы сақталады, жауын-шашын (жаңбыр, қар), көктайғақ және тұман болжанады. 30 қазанда республиканың батысында қатты жаңбыр жауады, сонымен қатар жел күшейеді деп күтілуде. Температуралық режимде айтарлықтай өзгерістер болжанбайды", деп хабарлайды ауа райын болжаушылар.