Жоспарда жоқ көше

1 836 рет қаралды

- Мен Вагонная көшесінде тұрамын. Ол Типографская мен Темірханов көшелерінің арасында орналасқан. Бізді алаңдататын нәрсе мынау – таяу уақытта асфальт салына ма? Мен қалалық әкімдікке былтыр және биыл - екі рет хат жазған едім, бірақ жауабы келмеді. Көршілес көшелердің барлығы асфальтталған. 500 метр болатын біздің көшеміз бен кішкене ғана өткел қалған. Біздің көшеміз жол жұмыстарының жоспарына енгізіле ме және қашан?

Мұрат Аққалиев

Сұраққа тұрғын үй-коммуналдық шаруашылық, жолаушылар тасымалы және автомобиль жолдары бөлімінің бастығы Жұмабай ҚАРАҒАЕВ жауап береді: «Биылғы жылдың жоспарында Вагонная көшесі жоқ. Алайда қазір жобалау-сметалық құжаттама жасалуда, онда осы көше тұрғындарының тілектері ескерілетін болады».

13 сәуір 2011, 20:41

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.