Елімізде 8 қыркүйекте Отбасы күні тойланады

Қазақстанда қыркүйектің екінші жексенбісінде Отбасы күні атап өтіледі. Биыл мереке 8 қыркүйекке тұспа-тұс келген, деп хабарлайды Azattyq Rýhy.

Осыған байланысты 2-8 қыркүйек аралығында іс-шаралар кешенін өткізу көзделген: 

• 2 қыркүйек – «Отбасылық дәстүрлер: тарихымызды сақтаймыз, болашақты құрамыз»; 
• 3 қыркүйек – «Отбасын жоспарлау»; 
• 4 қыркүйек – «Саналы түрде ата-ана болу»; 
• 5 қыркүйек – «Дені сау ұрпақ»; 
• 6 қыркүйек – «Мықты отбасы - мықты мемлекеттің кепілі»; 
• 7 қыркүйек – «Отбасылық әл-ауқат»; 
• 8 қыркүйек – «Отбасылық демалыс: бақытты болашаққа инвестиция».

«Орталық деңгейде үлгілі отбасылардың жаңа моделін қалыптастыру, сондай-ақ Астана қаласында Отбасы және неке институтын нығайту мақсатында осы жылдың 6 қыркүйегінде «Мерейлі отбасы» ұлттық конкурсының жеңімпаздарының қатысуымен «Отбасы - Отанымыздың асыл діңгегі» телемарафоны өткізіледі», - деді ҚР мәдениет және ақпарат вице-министрі Евгений Кочетов ОКҚ алаңында өткен баспасөз конференциясында.