Үш күнде 40-қа жуық жол ережесін бұзған: Оралда полиция ЖҚЕ бұзған көлік жүргізушісін ұстады

Батыс Қазақстан облысы аумағында жол қозғалысы ережелерін қасақана бұзушылықтардың жолын кесу мақсатында "SuncarSmartQorgau" жүйесі кеңінен қолданылады, деп хабарлайды Polisia.kz. 

Оның көмегімен Ресей Федерациясының мемлекеттік нөмірі көрсетілген Mitsubishi Galant көлігінің жүргізушісі анықталып, ұсталды. Ол үш күнде 39 рет жылдамдық режимін арттырған. Айыппұлдың жалпы сомасы — 1 млн теңге.

Көлік арнайы автотұраққа қойылды.

Айта кетейік, тексеру кезінде көліктің техникалық талаптарға сай емес екені және өзге де жол ережесін бұзу фактілері анықталды.