Әзілі үшін қамалған танымал стенд-ап комик бостандыққа шықты

Қазақстанға танымал стенд-ап әзілкеш Александр Меркуль 10 тәулік қамауда отырып шықты, деп хабарлайды  Azattyq Rýhy.

Соттың шешіміне сүйенсек, ол 2024 жылғы 7 маусымында мейрамханалардың бірінде бейәдеп сөздер қолдана отырып айтқан әзілі үшін  10 тәулікке қамалған болатын.

Әзілкештің өзі әлеуметтік желіде бостандықта екенін жазды.

«Мен үйдемін. Алғыс көрсеткен баршаңызға рақмет», - деп жазған ол.