В Атырау
+10 
«Ақ Жайық» газеті оқырманының хабарлауынша, вейптерді сатуға тыйым салынғаннан кейін ол бірнеше рет түрлі-түсті орама жасырғандарды байқаған, оның ойынша, ішінде буды жұтуға арналған құрылғылар бар.
Дегенмен, ПД-да вейптерді жасыру арқылы қашықтан сату фактілері тіркелмеген. Полиция департаменті бастығының бірінші орынбасары Әбдіғани СЕЙДУАЛИЕВТІҢ айтуынша, қазіргі таңда Атырауда вейптерді заңсыз сатудың екі дерегі тіркеліп отыр: оның бірін жеке тұлға, екіншісін заңды тұлға жасаған. Заң бұзушыларға қатысты ҚР Қылмыстық кодексінің 301-1-бап («Шегілмейтін темекі бұйымдарының, электрондық тұтыну жүйелерінің (вейптердің), оларға арналған хош иістендіргіштер мен сұйықтықтардың айналымы») бойынша қылмыстық іс қозғалды.
Бізді полиция қызметкерлері сауда орындарында тұрақты түрде рейдтер жүргізіп, заңсыз саудаға қатысты интернетте мониторинг жүргізетіндеріне сендірді.
Айтпақшы, Қазақстанда, атап айтқанда Алматыда вейптерді синтетикалық есірткі сияқты әдіспен сату дерегі осы жылдың шілде айында тіркелді. 21 жастағы қала тұрғыны электрониканы қашықтан жасырын тығу арқылы сатқан және оларды интернет арқылы көтерме бағамен сатып алған.
Анастасия ШЕРСТЯНКИНА