2GIS, “Яндекс.Еда” және Fonbet: Қазақстандықтардың жеке деректері желіге тарап кетті

Өткен аптада Telegram мессенджерінде қазақстандықтардың деректері таралып кетті, деп хабарлайды Ulysmedia.kz  Кибершабуылдарды талдау және тергеу орталығына (ЦАРКА) сілтеме жасап.

Пайдаланушы emo хакерлік форум BreachForums-тың толық деректер базасын желіге жүктегені хабарланды. 2022 жылдан 2023 жылға дейін әрекет еткен бұл форум зиянды бағдарламалық қамтамасыз етуді және ұрланған деректерді сатумен айналысқаны белгілі болған.

BreachForums хакерлік форумында Қазақстаннан 15 хакер тіркелгені болжанып отыр.

Тараған деректер 2022 жылдың 29 қарашасына дейінгі барлық деректерді, соның ішінде пайдаланушылардың идентификаторларын, хэштелген құпия сөздерді, жеке хабарламаларды, форумдық кредиттерді сатып алу үшін пайдаланылған криптовалюта мекенжайларын және сайттағы барлық хабарламаларды қамтиды.

ДЕРЕКТЕРДІҢ ТАРАЛУЫ

Тарап кеткен деректердің ішінде қазақстандық ресурстардың да деректері табылды:

• қызмет көрсету станциясын басқару базасының таралуы — Ресей мен Қазақстан — SQL резервтік көшірмесі, қолжетімділік және SCADA;

• Spark көлік-логистикалық компаниясының деректері;

• Шәкәрім атындағы университеттің студенттері мен талапкерлерінің деректер базасының таралуы;

• 2022 жылдың 24 маусымындағы B2B 2GIS Қазақстанның толық деректер базасының таралуы;

• Қазақстан мен Ресейдегі Yandex Food пайдаланушыларының деректерінің таралуы;

• 2021 жылғы Қазақстан мен Ресейдегі Fonbet букмекерлік компаниясының пайдаланушыларының деректерінің таралуы.

ДЕРЕКТЕР ҚАЙДАН АЛЫНҒАН?

“Кейбір мәліметтер бойынша, бұл деректер ресурс бұрынғы әкімшісі Конор Брайан Фитцпатридің деректер базасының сақтық көшірмесінен алынған. Сонымен қатар, форум қатысушыларынан келген түрлі хабарламалар бар. Бір хабарламада маңызды қазақстандық банк бұзылғаны айтылған. Қазіргі уақытта құқық қорғау органдары осы деректер базасына ие”, – деп мәлімдеді ЦАРКА негізін қалаушы Олжас Сатиев.