«Бестікке» бағаланған бөлке

Қазақстан тұтынушыларының ұлттық лигасы «ЗаманГрупп» ЖШС-ін «МІНСІЗ» Халықтық сапа белгісімен марапаттады.

Қазақстанның тауарлар мен қызметтер нарығындағы үздік өндірушілерді осы белгімен жыл сайынғы марапаттау салтанаты Алматыда 15 маусымда өткен еді. 2000 жылдан бастап «Қазақстан тұтынушыларының ұлттық лигасы» Мінсіз Бизнес Кәсіпорындары Қауымдастығымен бірге зерттеу жүргізіп келеді. Алынған нәтижелердің негізінде үздік компанияларды «МІНСІЗ» Халықтық сапа белгісімен марапаттайды. Бұл кеңестік дәуірдегі «Сапа белгісінің» аналогы.

14 жыл ішінде оны алғаш рет Атырау облысынан осы компания иеленіп отыр. «ЗаманГрупп» ЖШС - таныстыруды қажет етпейтін компания. 40-тан астам атаудағы нан мен нан-бөлке өнімдерінің алуан түрін, соның ішінде диеталық және тоқаштардың түр-түрін өндірумен айналысатын осы нан зауытының өнімдерін барша жан жақсы біледі.

Зульфия ИСКАЛИЕВА