Қазақстан мен БАЭ іздеуде жүрген адамдарды экстрадициялау​ мәселесін талқылады

Қазақстанның Әмірліктердегі Елшісі Нажмедин Мұхаметәліұлы Біріккен Араб Әмірліктерінің Әділет министрі Абдалла бен Султан әл-Нуеймимен кездесті, деп хабарлайды министрліктің баспасөз қызметі. 

Кездесу барысында тараптар қылмыстық-құқықтық саладағы екіжақты ынтымақтастықтың, атап айтқанда іздеуде жүрген адамдарды экстрадициялаудың, қылмыстық істер бойынша құқықтық көмек көрсетудің бірқатар мәселелерін талқылады.

Әмірліктердің Әділет министрі Қазақстанмен қарым-қатынастардың даму динамикасына оң бағасын бере отырып, талқыланған барлық мәселелер бойынша тиісті қолғабыс көрсетуге дайындығын білдірді.

Тараптар екі ел арасындағы серіктестікті одан әрі дамыту мен нығайту мақсатында барлық күш-жігерлерін жұмылдыратынын атап өтті.