Ақмола облысында жас жігіт зейнетақысын пайдалану үшін атасының қайтыс болғанын 3 жыл жасырған

Зейнетақымен қамтамасыз ету мәселесі бойынша жүргізілген талдау барысында 1937 жылы туған зейнеткер П.Е.Н. 2021 жылы Зеренді ауылында қайтыс болғаны анықталды. Алайда, зейнеткердің туған немересі атасының қайтыс болу фактісін уәкілетті органдардан жасырып, марқұмның зейнетақы банк картасын пайдаланып жүйелі түрде ақшаны алып отырған, деп хабарлайды Azattyq Rýhy.

«Жалпы, қаскүнем 4 000 000 теңгеден астам қаражат ұрлап әкеткен, осылайша мемлекетке ірі мөлшерде залал келтірген. Осы факті бойынша Зеренді ауданының прокуратурасы ҚР ҚК 1-тармағының 190-бабы 3-бөлігі бойынша сотқа дейінгі тергеп-тексеруді бастады (алаяқтық, яғни бөтеннің мүлкін ұрлау немесе ірі мөлшерде жасалған алдау арқылы бөтеннің мүлкіне құқық алу)», - деп хабарлады прокуратура.

Зеренді аудандық сотының үкімімен қаскүнем ҚК-нің 190-бабы 3-бөлігі бойынша кінәлі деп танылды және оған орташа қауіпсіздік мекемесінде жазасын өтеу арқылы, 3 жылға бас бостандығынан айрылды. Сондай-ақ көрсетілген залал сомасы мемлекет кірісіне өндірілді.