Атыраудағы ескерткіштер мен бюсттердің қауіпсіздігі тексеріледі

Бұл туралы қала әкімі Шәкір КЕЙКИН мәлімдеді.

Айтпақшы, қала әкімі саябақта 7 жасар қыздың үстіне бюст құлаған қайғылы оқиғаның себебі жел екеніне күмән келтірді.

«Мен өзім тәжірибелі құрылысшымын, сондықтан мұндай ауыр бюсттің қалай құлағаны мен үшін де жұмбақ. Қазір қайғылы оқиға болған жерге мамандарды шақырдым. Мен оны өзім жылжытуға тырыстым, бірақ ол қозғалмады. Сондықтан құрылыс желдің әсерінен құлауы мүмкін емес деп есептеймін, біз Жеңіс саябағында орнатылған барлық ескерткіштер мен бюсттерді тексереміз», - деп түсіндірді Ш.Кейкин.

Қазіргі уақытта қала әкімінің тапсырмасы бойынша барлық бюсттің аумағы техникалық тексерістен өту үшін қоршалады.

Ләззат ҚАРАЖАНОВА