Атырау, 3 желтоқсан 03:02
 ашық В Атырау -10
$ 425.49
€ 512.84
₽ 5.63

Ильхам Әлиевті Әзербайжан президенттігіне ұсынды

1 264 рет қаралды
Әзербайжанның басқарушы "Жаңа Әзербайжан" партиясы президент Ильхам Әлиевті қазан айында өтетін президент сайлауына кандидат етіп ұсынды.

Жұма күні өткен партияның бесінші конгресінде президент Әлиев партия төрағасы болып қайта сайланды. Ал оның әйелі Мехрибан Әлиева партия төрағасы орынбасарларының бірі болды.

Елді 2003 жылдың қазанынан бері басқарып келе жатқан Ильхам Әлиев бұған дейін екі рет президент болып сайланған.

2009 жылы Әзербайжан конституциясына түзету енгізіліп, президенттің екі мерзімнен артық мемлекет басқаруына мүмкіндік берілген еді.

Әзербайжан оппозициясы мен құқық қорғаушылары Әлиевті "билік пен мемлекет байлығын отбасы мүшелерінің қолына шоғырландырды және адам құқықтарын үнемі бұзады" деп айыптайды.
 
Дереккөз: Азаттық радиосы
7 маусым 2013, 21:03

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.