Үкімет Парламентке Қатар мемлекетімен әскери ынтымақтастық туралы заңды ратификациялауды ұсынды, деп хабарлайды Azattyq Ruhy.
Заң жобасын талқылау Ашық НҚА порталына шығарылды.
Екі елдің әскери саласындағы ынтымақтастық төмендегідей бағыттарда жүргізілмек:
- әскери білім және әскери қызметшілерді даярлау;
- әскери медицина;
- әскери ғылым;
- әскери саладағы мәдени және спорттық іс-шаралар;
- бейбітшілікті қолдау жөніндегі операцияларға байланысты мәселелер бойынша консультациялар;
- жауынгерлік даярлық;
- тараптар өзара келіскен ынтымақтастықтың өзге де салалары.
Айта кетсек, Қазақстан Республикасының Үкіметі мен Қатар Мемлекетінің Үкіметі2023 жылғы 12 желтоқсанда Дохада әскери ынтымақтастық туралы келісімге келген болатын.