Атырау, 24 сәуір 23:49
 ашықВ Атырау +21
$ 444.32
€ 473.33
₽ 4.76

Таиландта құлдықта болған екі қазақстандық қыз құтқарылды

371 просмотра

Таиландта құлдықта болған екі қазақстандық қыз құтқарылды. Бұл туралы Stan.kz ақпарат агенттігі хабарлайды. 

Сыртқы істер министрлігінің ресми өкілі Айбек Смадияровтың айтуынша, қаңтар айының соңында Қазақстанның Таиландтағы консулының WhatsApp мессенджерінде қазақстандық әйелдің еңбек құлдығында жүргені туралы хабарлама түскен.

"Ол көмек сұрап, оны ол жерден алып кетуді өтінген. Жергілікті билікпен байланыса отырып, екі азаматымыздың еңбек құлдығында жүргенін анықтадық. Біз бар күшімізді салып, бір ай бойы келіссөз жүргіздік, азаматтарымызды құтқардық. Қазір олар Қазақстанға ұшып келе жатыр. Олардың бірі Алматыдан, екіншісі Ақтөбеден", – деді Смадияров.

Сыртқы істер министрлігінің мәліметінше, олар қыздардың әрқайсысының бостандығы үшін 10 мың доллардан талап еткен.

"Дипломаттарымыздың көмегінің арқасында біз оларды бір тиынсыз құтқарып алдық. Олар 10 мың доллар немесе қыз болса жезөкшелік, жігіт болса ағзаларын сату деген шарттарды қойды", — дейді Смадияров.

Екі қыз да интернеттен жарнама көріп, Таиландқа жұмысқа барған. Екеуінің де жоғары білімі бар, бірнеше тіл біледі.

Сыртқы істер министрлігі қазақстандықтарға шетелге жұмыс істеуге барар кезде барлық шартты, оның қандай компания екені және жауапкершілік ауқымы туралы ақпаратты мұқият тексеру керек екенін ескертті.

22 ақпан, 11:24

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.