В Атырау +12.9 
Алматы Мемлекеттік кірістер департаменті Қазақстан бойынша 250.00 нысаны бойынша салық декларациясын тапсыруға көмектесетін видео-нұсқаулық дайындады, - деп хабарлайды Tengrinews.kz тілшісі.
2024 жылдың 1 қаңтарында Қазақстанда жалпыға бірдей декларацияның үшінші кезеңі басталды. Алғаш рет жеке кәсіпкерлер, олардың жұбайлары, заңды тұлғалардың басшылары, үлескерлер, құрылтайшылары, сондай-ақ олардың жұбайлары өзінің активтері мен міндеттемелерін көрсетеді.
Декларацияны электрон түрде салық төлеушінің кабинеті, "электрондық үкімет" порталы, e-Salyq Azamat, eGov мобильді қосымшасы арқылы, сондай-ақ банк қосымшалары арқылы беруге болады.
Декларация тапсырудың ыңғайлы жолы - e-Salyq Azamat мобильді қосымшасы, онда декларацияны бірнеше минут ішінде толтыру және жіберуге болады.