Украина әскері 8 облыста дрондарды атып түсіргенін хабарлады

526 просмотра

Украина әуе күштері 20 желтоқсанға қараған түні Украинаға шабуылдаған 19 "Шахед" дронының 18-ін атып түсіргенін хабарлады. Бұл туралы Азаттық радиосы хабарлайды.

Украина әскерінің айтуынша, дрондар Мәскеу аннексиялап алған Қырымнан ұшырылған. Ұшу аппараттары Винницк, Днепропетровск, Киев, Кировоград, Одесса, Херсон, Хмельницкий, Чернигов облыстарында жойылған.

Украина қарулы күштері сонымен бірге Ресей армиясы Харьков облысына Белгород облысындағы ЗРК С-300 кешенінен екі ракета жібергенін хабарлады. Зардап шеккендер жөнінде ақпарат жоқ. Харьков мэрі Игоря Тереховтің айтуынша, атқылаудың салдарынан көлік депосы қираған. "Бұл таза азаматтық нысан" деп хабарлады ол.

Ресей шабуылға түсініктеме бермеді.

20 желтоқсан 2023, 18:11

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.