В Атырау
+16 
ҚР Төтенше жағдайлар министрлігінің баспасөз қызметі атыраулық өрт сөндіруші Ерлан ДӘУЛЕТОВТЫҢ қызметтегі күнделікті жұмысын баяндап, таныстырды.
Атырау облысы ТЖД Өрт сөндіру және авариялық-құтқару жұмыстары қызметі №13 мамандандырылған өрт сөндіру бөлімінің бөлімше командирі, азаматтық қорғау органдарында 2011 жылдан бастап қызмет етіп келеді.
Қала аумағында бірнеше рет орын алған ірі өрттер мен авариялық-құтқару жұмыстарына қатысып, батылдық пен шеберлік таныта білді.
2022 жылғы 8 қаңтар күні «Нұрсая» ықшамауданында орналасқан пәтерден түтін шығып жатырғаны жөнінде шақырту түседі. Оқиға орнына жедел жеткен кезде пәтерде өрт жанып жатқаны анықталды.
І-бөлімше дереу газ түтінінен қорғау қызметінің буынына қосылу арқылы «1 Б» оқпанын жану ошағына береді. ІІ-бөлімше, яғни Ерлан Дәулетов бөлімше командирінің бұйрығымен тыныс алу аппаратына қосылып, сол үйдің тұрғындарын таза ауаға шығарып, эвакуация жұмыстарын жүргізеді.
Өрт шыққан мезгілде 10 ересек, 9 бала түтін құрсауында қалып, өз еріктерімен сыртқа шыға алмаған.
Жеке құрамның жедел әрекеті арқасында 9 бүлдіршін құтқарылды. Сонымен қатар газ түтінінен қорғау қызметінің буын құрамында көршілес тұрған тұрғын үйге өрттің таралуына жол бермей, «Өрт сөндіруді ұйымдастыру қағидаларының» талаптарына сәйкес іс-қимыл атқарды.