В Атырау +2.9 
Түркістан облысында газдалған және газдалмаған минералды су өндіретін жаңа зауытты іске қосуға дайындық жүріп жатыр. Жобаның құны 2,5 миллиард теңгеге бағаланды, деп хабарлайды nationalbusiness.kz.
Келес ауданының Жүзімдік ауылында аумағы 2,1 мың шаршы метр болатын жаңа кәсіпорын салынды. Зауыт үшін 2 миллион доллар сомасына заманауи қытайлық жабдық сатып алынды. Өнімді Sundala брендімен шығару және, соның ішінде, экспортқа жеткізу жоспарланып отыр.
Ашылуға дайындық барысын өңір әкімі Нұралхан Көшеров тексерді. Ол нысанды іске қосу аудан экономикасын әртараптандырудың бір қадамы болатынын және жергілікті тұрғындарды жаңа жұмыс орындарымен қамтамасыз ететінін атап өтті.
Жобаның инвесторы Атырау қаласында 2010 жылы тіркелген «Saryagash Su Onimderi» ЖШС компаниясы. Оның жалғыз құрылтайшысы — кәсіпкер, Атырау облысы Жылыой аудандық мәслихатының депутаты Нұрсұлтан Қапанов.
Бұдан бөлек, бизнесмен жылжымайтын мүлік, Маңғыстаудағы қойма логистикасы саласындағы активтерге, «Бақай Құс» құс фабрикасына және «Carbonix» жоғары технологиялық өндірісіне иелік етеді.