​Атырауда экстракциялық апиын есірткісін сақтаған күдікті ұсталды

Атырауда аса ірі мөлшерде экстракциялық апиын есірткісін сақтаған күдікті ұсталды, деп хабарлайды Атырау облысы Полиция департаменті.  

Атырау облысы полиция департаменті Есірткі қылмысына қарсы іс-қимыл басқармасының қызметкерлері жедел-іздестіру шаралары кезінде Авангард ықшам ауданында орналасқан көп қабатты пәтерлердің бірінде есірткі заттарын сақтаумен айналысады деген күдікпен 1963 ж.т. қала тұрғынын анықтап, ұстады. 1963 ж.т. азаматты тінту кезінде сырт киімінің қалтасынан ерекше иісі бар өсімдік тектес заты бар 12 орам тәркіленді, сондай-ақ пәтер ішінен сұйықтық ыдыста кептірілген көкнәр шөбі және жасыл түсті өсімдік тектес 29 сіріңке қорабы табылды. Айта кетейік, күдіктінің бұрын-сонды есірткі заттарын сақтаған деген күдікпен сотталғаны анықталды. 

Сот-медициналық сараптама қорытындысы бойынша алынған заттардың салмағы 4.04 грамм болатын аса ірі мөлшердегі «экстракциялық апиын» есірткісі екені белгілі болды. 

Экстракциялық апиын - шикі апиыннан әртүрлі өңдеу және суды буландыру арқылы алынатын есірткі өнімі. Бір дозасының адам ағзасына әсері алты есе жоғары және зиян. 

Қазіргі таңда күдікті қамауға алынып, ҚР ҚК-нің 296-бабының 4-бөлігі бойынша сотқа дейінгі тергеп-тексеру жүргізілуде. Өзге ақпарат ҚПК-нің 201-бабына сәйкес жариялануға жатпайды.

Суреттреді Полиция департаменті ұсынды