В Атырау 0 
Мәжіліс депутаты Премьер-министрдің бірінші орынбасары Роман СКЛЯРҒА депутаттық сауал жолдады.
«AMANAT» партиясы фракциясының мүшесі Бақтықожа ІЗМҰХАМБЕТОВ өз сауалында мұнай-газ саласының өзекті мәселелерін, атап айтқанда, Маңғыстау және Атырау облыстарындағы электр қуатының тапшылығын шешу қажеттігін айтты. Еске салайық, 2023 жылдың 3 шілдесінде МАЭК-тегі блоктың тоқтауы Атырау мұнай өңдеу зауытындағы апатқа әкеліп, бүкіл өңір үшін ауыр зардаптарға соқтырған болатын.
Сауал соңында депутат Роман Склярға «Светланд-Ойл» ЖШС-ін Атырау мұнай өңдеу зауыты үшін электр энергиясын өндіру және сату бойынша әлеуетті инвесторлар тізіміне қосуды ұсынды.
Айта кетейік, «Светланд-Ойл» ЖШС бас директоры - облыстық мәслихаттың депутаты, «Amanat» партиясы Атырау облыстық филиалы саяси кеңесінің мүшесі Жеңіс ӘБІЛҚАРЕС.
Дайындаған Жомарт ӘМІРХАНОВ