В Атырау +21.8 
3 қазанда Аққыстау ауылында жергілікті дәрігерлерге бес жедел жәрдем көлігі салтанатты түрде табысталды. Заманауи үлгідегі медициналық құрал-жабдықтармен жабдықталған «Соболь» жол талғамайтын көліктерінің көмегімен тіпті жол нашар болса да науқастарға жетуге болады.
- Біз үшін бұл өте жақсы жаңалық. Денсаулық саласына қашан да жедел жәрдем көліктері қажет. Бұл көліктер халық денсаулығы үшін қызмет етсін, - деді Исатай ауданының әкімі Полымбет ХАСАНОВ.
Аталған көліктердің бірі аудан орталығының емханасына берілсе, бірі Қамысқала мен Жасқайрат ауылдарына, енді бірі Тұщықұдық пен Қызылүй және Айбас ауылдарын қамтиды. Сондай-ақ Исатай мен Зинеден ауылдарына және Жанбай мен Нарын ауылдарына бір-бір көліктен беріліп отыр.
Айта кетейік, жедел жәрдем көліктері жергілікті бюджет есебінен, медициналық ұйымдардың сұранысына қарай алынды.
Нұрбейбіт НҰҒЫМАНОВ
ӨКҚ жолдаған суреттер