Азалы күнде соңғы матч өтті

29 қазанда «Атырау» футбол клубы «Мұнайшы» стадионында Алматының «Қайрат» командасымен футболдан ел чемпионатының қорытынды ойынын өткізді.

Жиын алдында қатысушылар Қарағанды облысында қаза тапқан кеншілерді бір минут үнсіздікпен еске алды. Бұл ұлттық аза тұту күні бүкіл елдегідей жанкүйерлерді стадионға кіргізбеді.

Ойынның турнирлік маңызы жоқ еді, бірақ алаң иелері басымдық танытып, қызулана тапқырлықпен шабуылдады. Бірақ «Қайрат» қақпашысы Вадим УЛЬЯНОВ голды дарытпады. Оның асқан шеберлігі 41-минутта соғылған пенальтиде көрінді.

Нәтижесі – есепсіз тең ойын. «Атырау» 2023 жылғы чемпионатта жетінші орын алды. Ал шымкенттік «Ордабасы» өз тарихында тұңғыш рет ел чемпионы атанды.

Мұрат СҰЛТАНҒАЛИЕВ