В Атырау
+21 
Азаматтық белсенді Рүстем БАЯЗИЕВ Атырау облыстық кардиология орталығының аурухана тағамынан құрт тауып алған пациенттің видеосын жариялады.
Медицина мекемесінің баспасөз қызметі 2023 жылдың 24 қазанында орын алған бұл оқиғаға ресми жауап берді: «Облыстық кардиология орталығының №3 кардиология бөлімшесінде пациенттің тарелкесінен бөгде заттың (құрттың) шығуына байланысты инфекциялық бақылаудың ішкі аудитіне комиссиялық тексеру жүргізілді. Бөлімшедегі пациенттерге дереу сауалнама жүргізілді. Басқа ешкімнің ботқасында бөгде заттар табылмады, таңғы ас жақсы деп бағаланды. Тамақтану блогын тексеру бойынша - пісірер алдында жарма сұрыпталады, тазартылады, жуылады, содан кейін пісіріледі. Барлық санитариялық-эпидемиологиялық талаптар сақталады, асхана бойынша 2022 жылғы 17 ақпандағы №16 СЭС бұйрығы сақталған. Тамақты таратар алдында сынама алатын бракераждық комиссия жұмыс істейді (2023 жылғы 10 қаңтардағы №07 бұйрығы, сынама алуға жауапты эпидемиолог дәрігер А. М. Мекенова). Санитариялық-эпидемиологиялық режим талаптарына сәйкес, азық-түлік сынамалары тоңазытқышта 48 сағат сақталады. СЭС қайталап тексеру кезінде сынама үлгілерінен ешқашан бұзушылықтар анықталмады. Ал осы оқиға бойынша тоңазытқышта сақталған бұл ботқаның үлгісі бүгін «Ұлттық сараптама орталығының» Атырау филиалына қайта тексеруге жіберіледі.
Бұл жарма қапшықтан алынды (2023 жылдың 18 қазанында алынды), сақтау шарттары сақталды. Жеткізушінің сертификаты бар. Емхананың көп жылғы тарихында стационарда улану жағдайлары бірде бір рет болған емес.
Осы оқиғаға байланысты тамақтану блогы мен бөлімшенің буфетіне жан-жақты тексеру жүргізіліп, заң бұзушылықтар анықталған жоқ; Бұл құрттың ботқаға қалай түсіп кеткенін түсіндіру қиын. №3 кардиология бөлімшесінің тамақтану блогының қызметкерлері мен буфетшіге тәртіптік жаза қолданылады».
Жомарт ӘМІРХАНОВ