Полицейлер «Кеңес Одағының азаматына» жеке куәлік берді

Атырау облысы Индер ауданының 65 жастағы тұрғыны осы уақытқа дейін кеңестік төлқұжатпен өмір сүріп, тек биыл ғана қазақстандық жеке куәлік алуды ұйғарыпты. Өйткені зейнетақы тағайындау, емделу және т.б. мәселелер туындаған.

- Индер аудандық полиция бөлімі басшысының нұсқауымен көші-қон қызметі тобының аға инспекторы тез арада қажетті құжаттарды дайындап, 65 жастағы азаматқа жеке куәлік табыстады. Өткен жылы осыған ұқсас үш жағдай Құрманғазы ауданында да тіркелген еді, - деп хабарлайды полиция департаментінің баспасөз қызметі.

Ер адам мемлекеттік көмекті ұйымдастыру бойынша шаралар кешенін жедел әзірлеп, жүзеге асырған полиция қызметкерлеріне алғысын білдірді.

Дайындаған Ләззат ҚАРАЖАНОВА

ПД жолдаған сурет