В Атырау +26.5 
Екі қойды ұрлап, кейін сол ауылдың тұрғындарының біріне сатып жіберген Махамбеттің үш мал ұрысы сотқа тартылды.
Атырау облысының Махамбет аудандық соты ҚР Қылмыстық кодексінің 188-1-бабы 3-бөлігінің 2-тармағы («Мал ұрлығы») бойынша сотталушылар А., С., Т.-ға қатысты қылмыстық істі қарады. Сотталушылардың қылмыстық әрекеттерінің нәтижесінде қой иесіне 250 000 теңге көлемінде материалдық шығын келтірілген.
Сот оларды кінәлі деп тапты. Істің егжей-тегжейінен белгілі болғандай, сыбайластардың жасы 18-де, олардың бірінің мүгедектігі бар. Сотта процеске қатысушылардың барлығы татуласып, жәбірленушіге келтірілген залал өтеліп, әрқайсысына шартты түрде 5 жыл бас бостандығынан айыру жазасы тағайындалды.
Сот үкімі заңды күшіне енді.
Жомарт ӘМІРХАНОВ