Жол ережесін бұзғандар дрон арқылы анықталды

Атырау облысы аумағында 16-20 қазан аралығында өткізіліп жатқан «Құқықтық тәртіп» жедел-профилактикалық іс-шарасы аясында Атырау облысы ПД жанындағы патрульдік полиция ротасының қызметкерлері тас жолдарда әуе бейнекамерасын (дрон құрылғысын) пайдалану арқылы жол қозғалысы ережелерін өрескел бұзған көлік жүргізушілерін анықтап жатыр.

Республикалық маңызы бар тас жолдарда жол-көлік оқиғаларының орын алуына басты себеп - көлік жүргізушілерінің жол қозғалысы ережелерін қатаң сақтамау. Статистикалық мәлімет бойынша жол-көлік оқиғаларының басым бөлігі жүргізушілердің жылдамдықты шамадан тыс асырып, қарсы бағытқа шығып, басып озу қағидатын бұзуы.

Жомарт ӘМІРХАНОВ