В Атырау +2 
АҚШ президенті Джо Байден бейсенбіде кешкісін Израиль мен Украинадағы жағдай туралы халыққа телеүндеу жасады, - деп хабарлайды Tengrinews.kz.
Ол әлем бетбұрыс кезеңінде тұрғанын, болашаққа әсер ететін шешімдер қабылдау керек екенін айтты. "Біз тарихтың бетбұрыс кезеңінде тұрмыз, бүгінгі қабылдаған шешімдеріміз алдағы онжылдықтардағы болашақты қалыптастырады", - деді Байден.
Ақ үй басшысы нақты сандарды жарияламай, Израиль мен Украинаны қаржыландыру үшін Конгресске төтенше бюджеттік өтінім бағытталғанын хабарлады.
"Украинаға қатысты мен Конгресстен Украинаға өздерін қорғауға қажетті қару-жарақты үздіксіз жіберуді жалғастыруымызға кепілдік беруін сұраймын", - деді Байден.
Байден Киев пен Тель-Авивке көмекті америкалықтардың болашақ ұрпақтарына "дивиденд"әкелетін "саналы инвестиция" деп атады.
Сондай-ақ, Байден америкалық армияның Ресей армиясымен соғысуын қаламайтынын атап өтті, ол Украинаға америкалық әскер жіберуді жоспарлап отырғанына сендірді. Оның айтуынша, егер Ресей НАТО одақтастарына шабуыл жасаса, АҚШ "НАТО-ның әрбір дюймін" қорғайды.