Тосол нашар болса, мотор бұзылады: антифриз сатушы айыппұл арқалады

Атырау облысында сапасыз салқындатқыш сұйықтықты сатушы әкімшілік жауапкершілікке тартылды, деп хабарлайды ҚР Сауда және интеграция министрлігі Техникалық реттеу және метрология комитетінің баспасөз қызметі.

ҚР ӘҚБтК-нің 802-бабына сәйкес, «Мастерок» ЖК-не қатысты техникалық регламент талаптарына сай келмегені үшін Мәскеу қ., 127206, «МастерОйл» ЖШҚ шығарған 5 кг, «Тосол ELITECOOL» салқындату сұйықтығын сату фактісі бойынша әкімшілік іс қозғалды.

Өнімнің кристалдана бастау температурасы минус 22°C болған (регламентке сәйкес ол минус 35°С жоғары болмауы керек), антифризде сонымен қатар 20%-дан астам метил спирті болған (регламентке сәйкес, 0,05%-дан аспау керек).

Кінәні мойындауына байланысты, құқық бұзушыға қысқартылған өндіріс аясында 336 375 теңге сомасында әкімшілік айыппұл салынды.

Қазір айыппұл толығымен төленді.

Жомарт ӘМІРХАНОВ