В Атырау
+14 
Атырау облыстық мәслихатының Бюджет, қаржы, экономика, және өңірлік даму мәселелері жөніндегі тұрақты комиссиясының жоспарлы отырысында өңірдің электр энергиясымен тұрақты қамтылуы туралы мәселе қаралды.
Облыстық энергетика және тұрғын үй-коммуналдық шаруашылық басқармасының басшысы Айдулат КЕНЖЕБЕКОВТІҢ айтуынша, облыста электр энергиясын 7 мекеме тәулігіне 800-850 МВт өндіріп отыр. Энергия көздері КЕГОК АҚ-ның жоғары кернеулі желілері және «АтырауЖарық» АҚ-ның желілері арқылы жеткізіледі.
Аймақтағы электрэнергиясын тұтыну көлемі – 812 МВт. Оның ішінде, «АЖЭО» АҚ-166 МВт, КУС-270МВт, АМӨЗ – 2 МВт, Кашаган «NCOC»-127 МВт, ТШО –232 МВт, Манаш -15 МВт, Транзит-220 кВ арқылы. Халықтың тұтыну көлемі 400-450 МВт құрайды.
- Атырау ЖЭО-ның бекітілген қуаттылығы 414 МВт болса, өндіріп отырған электр қуаты бүгінгі күні тәулігіне 170-200 МВт. «АЖЭО» АҚ-ның 11 турбоагрегаттың қазіргі таңда 6-уы жұмыс жасап тұр, 2-уі резервте, 3-еуі жөндеуде. Бұл мекеменің электр және жылу энергиясын өндіруіне жазғы мезгілде тәулігіне 260 мың м3, қысқы мезгілде 170 мың м3 көлемде су пайдаланады. ЖЭО-ның Жайық өзенінен жаз мезгілінде төмендеп кетуіне байланысты қондырғыларын салқындату өзекті мәселе. Аталған мәселені шешу мақсатында градирня салу жөнінде ҚР Энергетика министрлігіне ұсыныс берілді, - деді басқарма басшысы.
Тұрақты комиссия төрағасы Абдолла ИДРЕСОВ жауапты мекеме басшыларына тұрғындардың жылу беру маусымында жарық пен жылудан тапшылық көрмеуін қадағалауды тапсырды.
Нұрбейбіт НҰҒЫМАНОВ
Облыстық мәслихаттың парақшасынан алынған суреттер