Облыс әкімдігі мектепке дейінгі білім беруге мемлекеттік тапсырысты арттырмақ

«Ашық НҚА» порталында «Атырау облысында мектепке дейінгі тәрбие мен оқытуға мемлекеттік білім беру тапсырысын, ата-ана төлемақысының мөлшерін бекіту туралы» Атырау облысы әкімдігінің 2022 жылғы 22 маусымдағы №141 қаулысына өзгерістер енгізу туралы» қаулысының жобасы жарияланды.

Атырау облысындағы бюджет қаражаты есебінен мектепке дейінгі білім беру ұйымдарында тәрбиеленушілердің жалпы саны - 34 296 бала.

Айына бір тәрбиеленушіге жан басына шаққандағы қаржыландыру көлемі артады:

• жалпы мақсаттағы топтар: ауылдық жерлерде – бір балаға – 58 084 теңге, Атырау және Құлсары қалаларында – бір балаға – 51 983 теңге;
• түзету топтарындағы тәрбиеленушілер: ауылдарда – бір балаға 107 261 теңге, қалаларда – 94 550 теңге;
• туберкулез, аллергиялық аурулар, қант диабеті, әлсіреген және жиі ауыратын балалар топтарындағы тәрбиеленушілер: ауылдарда – 88 604 теңге, облыс қалаларында – бір балаға 78 436 теңге.

Жомарт ӘМІРХАНОВ