Атыраудың теміржол вокзалында бес аспаз заңсыз жұмыс жасаған

Биыл 9 айда Қазақстан Республикасында болу қағидаларын бұзғаны үшін еліміздің көлік полицейлері 1000-нан астам шетелдікті әкімшілік жауапкершілікке тартты, оның ішінде сот шешімі бойынша елден тыс жерлерге 267-сі шығарылды. Сондай-ақ, ішкі істер органдарына шетелдіктердің келуі туралы уақтылы хабардар етпегені және елде болу қағидаларын қамтамасыз етпегені үшін 242 ҚР азаматы жауапкершілікке тартылды.

Мәселен, «Заңсыз келуші-2023» жедел-алдын алу іс-шарасын өткізу барысында Атырау станциясындағы теміржол вокзалы ғимаратының асханасында Өзбекстан Республикасының 5 азаматы еңбек қызметін заңсыз жүзеге асырды. Шетелдік құқықбұзушыларға қатысты сот шешімімен әрқайсысына 25 АЕК мөлшерінде айыппұл салынды.

Жұмыс беруші жеке кәсіпкерге қатысты ҚР ӘҚБтК-нің 519-бабы 1-бөлігі ("Жұмыс берушінің шетелдік жұмыс күшін жергілікті атқарушы органның рұқсатынсыз тартуы") бойынша әкімшілік хаттама толтырылып 50 АЕК мөлшерінде айыппұл салынды.

Көліктегі полиция департаменті өңілдері жұмыс беруші шетелдік жұмыс күшін тартуы үшін шетелдіктің еңбек қызметін жүзеге асыруға шақыратын аймақтағы жергілікті атқарушы органға жүгіну қажет екенін ескертеді.

Жомарт ӘМІРХАНОВ