Датов көшесінің тұрғындарына сәл күте тұруға тура келеді

"АЖ" редакциясына Сырым Датов көшесінің тұрғындары хабарласты. Олардың айтуынша, көшедегі автокөлік жолын қайта қалпына келтіру жұмыстары өте баяу жүріп жатыр, бұл жағдай тұрғындарға өте ыңғайсыз болып тұр.

- Жол жөндеп жатқан құрылысшылар соңғы күндері мүлдем көрінбей кетті. Құрылыс материалдары таусылып қалғанға ұқсайды. Ал біз әлі жол зардабын тартып жүрміз. Кешкісін жұмыстан үйге көлікпен жақындай алмаймыз, ал таңертең ұзын-сонар кептелістен жұмысқа жету қиын. Жөндеу жұмыстары қашан аяқталады? - дейді С.Датов көшесінің тұрғыны Светлана БАКИРОВА.

Атырау қаласы әкімдігі біздің сауалымызға мынадай жауап берді: "Қазір аталған аумақта жұмыстар жоспарға сәйкес кезең кезеңімен жүргізіліп жатыр. Жалпы, жұмыстар жыл соңына дейін аяқталады". 

Нұрбейбіт НҰҒЫМАНОВ