Биыл жыл басынан бері Атырауда 1000-ға жуық жаңа жол белгісі орнатылды

1 092 просмотра

Бұл туралы қалалық жолаушылар көлігі және автомобиль жолдары бөлімі басшысының міндетін атқарушы Алмас СӘРСЕНОВ мәлімдеді, деп хабарлайды Өңірлік коммуникациялар қызметі.

- Атырау қаласына және қалаға қарасты елді мекендегі автокөлік жолына және жаяу жүргіншілерге арналған жол белгілерін орналастыру, Атырау облысы ПД Әкімшілік полиция басқармасы нұсқамасына сәйкес орындалады, - деді А.Сәрсенов. Оның айтуынша, жаңа жол белгілері пайда болған уақытта әлеуметтік желіге міндетті түрде жарияланады.

- Жаңа жол белгілерін орнатып немесе жаңарту жұмыстары №1412-2017 «Жол қозғалысын реттеудің техникалық құралдары» туралы Қазақстан Республикасының стандартына сәйкес жүргізіледі, - дейді ПД баспасөз хатшысы Мейірім ЕРДӘУЛЕТ. - Жол белгілері табиғат күштері немесе жол-көлік апаттары әсерінен жарамсыз болған жағдайда, қалалық жолаушылар көлігі және автомобиль жолдары бөліміне нұсқаулық береміз.

Дайындаған Ләззат ҚАРАЖАНОВА

13 қазан 2023, 15:41

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.