В Атырау -2 
Атырау қаласы аумағында атыс қаруын, жарылғыш заттарды қолдану арқылы жасалатын қылмыстарды ашу және алдын алу, сондай-ақ, қару иелерін тұрғылықты жері бойынша тексеріп, олардың қаруды пайдалану, ұстау және сақтау талаптарын орындауын тексеру мақсатында 4-9 қазан аралығында «Қару-2023» жедел-профилактикалық іс-шарасы өткізілді.
Іс-шара кезінде Атырау қаласының полиция басқармасы әкімшілік полиция бөлімінің азаматтық қызметтік қару айналымын бақылау тобының қызметкерлері қала аумағындағы қыстақтарға тексеру жұмыстарын жүргізіп, 1989 ж.т. азамат өз еркімен 1 дана тегіс ұңғылы аңшылық қаруын тапсырды.
Сонымен қатар, жедел-профилактикалық іс-шара кезінде барлығы 12 қару тәркіленіп, 21 тұлғаға қатысты ҚР ӘҚБтК-нің 484 және 486 баптары бойынша әкімшілік хаттамалар толтырылды.