Газа секторының тұрғындары бізге жау емес: Израиль елшілігі мәлімдеме жасады

Қазақстандағы Израиль елшілігі ХАМАС-тың Газа секторы тұрғындарының қауіпсіздігі мен әл-ауқатына қызығушылық танытпайтынын және оларды Израиль азаматтарына барынша зиян келтіру үшін өз мүддесіне қол жеткізу құралы ретінде қарастырып жатқанын айтты, деп хабарлайды ҚазАқпарат.

Дипломатиялық ведомство 7 қазанда (Симхат Таурат мерекесінде) палестиналық ХАМАС лаңкестері Газа секторынан Израиль аумағына қарай зымырандар ұшырғанын мәлімдеді.

«ХАМАС террористік ұйымы Израильге кең ауқымды шабуыл жасады, оңтүстіктен Тель-Авив пен Иерусалимдегі Израиль азаматтарына зымырандармен бей-берекет оқ атып, бейбіт тұрғындарды өлтіруде. Шабуыл сенбі күні таңертең бейбіт тұрғындар арасында барынша зиян келтіру мақсатында мереке қарсаңында болды», - делінген Қазақстандағы Израиль елшілігінің хабарламасында.

Елшілік мұны ХАМАС бастаған террористік ұйымдардың ешқандай сылтаусыз немесе Израильдің алдын-ала әрекетінсіз жасалған шабуыл екенін айтуда.

«Сонымен қатар, бұл шабуыл Израильдің Газа секторындағы азаматтық және гуманитарлық жағдайды жақсартуға көп күш жұмсап, тыныштықты қалпына келтіруге тырысқан ұзақ кезеңнен кейін болды. Израиль өз азаматтарын кез келген жолмен қорғайды және Газа секторындағы ауқымды шабуылдан қорықпайды. Израиль террористік ұйымдардан оқиғаның толық өтеуін алады және осы мақсатта қажет болған жағдайда әрекет етуге дайын. Бұл шабуылдың артында тұрған ХАМАС Газа секторының егемендігі мен оның салдары үшін жауап береді», - деп атап өтті елшілік.