2 миллион 700 мың шабақ құтқарылды

1 319 просмотра

Қызылқоға ауданының Тасшағыл ауылдық округі аумағындағы екі жайылма учаскеден шамамен 2 млн 700 мың шабақ құтқарылды.

Қызылқоға ауданы әкімдігінің баспасөз қызметінің хабарлауынша, құтқарылған балықтар Арал және Бәйтік көлдеріне жіберілді. Аталған көлдердің орташа тереңдігі 2,5-3 метр шамасында және жіберілген шабақтардың емін-еркін өсіп-өнуіне қолайлы. Әкімдіктегілер су айдынының тайыздығы салдарынан өлген екі келідей мөңке шабақтары жойылғанын нақтылады.

Құтқару жұмыстарына МТЗ-82 тракторы тіркемесімен, су тасығыш бөшкелі тіркеме, Hidromek тракторы, Газель автокөлігі тартылып, 6 контейнер, 3 бөшке, 1 мотопомпа пайдаланылды. Аталған жұмыстарға жауапты тұлғалармен қатар, 13 ерікті ауыл тұрғыны қатысты.

Қазіргі таңда, бөлініп қалған екі жайылма толықтай тазартылды,- деп хабалады Қызылқоға ауданы әкімінің орынбасары Ерболат ИҒАЛИ.

Дайындаған Ләззат ҚАРАЖАНОВА

Қызылқоға ауданы әкімдігінің баспасөз қызметі жолдаған сурет

4 қыркүйек 2023, 16:13

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.