Бәйгетөбе ауылында электр желісі жаңартылды

Бұл туралы Мақат ауданының баспасөз  қызметі хабарлады. 

№402-ші қосалқы электр стансасын қайта жаңғырту жұмыстары былтыр маусымда басталды. Қазір нысанды пайдалануға қабылдау құжаттары рәсімделді. 

- Жаңарған электр желісінің жалпы ұзындығы - 6,33 шақырым.  Қосалқы стансаға қуаты 2100 кВА трансформатор және 40 сыртқы жарықшам қосылды, - дейді Бәйгетөбе ауылдық округінің әкімі Қонысалы ТӨЛЕУОВ. - Қазір "Атырау ЭнергоСату" ЖШС электр энергиясын есептеу құралдарын қабылдау жұмыстарын жүргізіп жатыр. 

Дайындаған Ләззат ҚАРАЖАНОВА

Суретті ӨКҚ жолдады